بمناسبه زياره الامير / فيصل بن بندر امير منطقه الرياض لمحافظه الافلاج حفظه الله
يامرحبا حييت ياضيف الافلاج ترحيبه الضامي بشوف المخيلة
بسم المحافظ والاهالي بلافلاج وبسم الجميع وكل صاحب فضيله
اقدم الترحيب ماعاد يحتاج الضيف غالي والمعاني جزيله
بشيخ الرياض اللي تباها بلابراج دار الملوك اهل السيوف الصقيله
شيخ علي شيخ وللعاصمه تاج يبقى وتبقى عاصمتنا الجميله
هذا الامير اللي له الروس تنعاج كم شيخ قوم في اللزوم يعني له
فيصل ولد بندر كما عين هداج يروي الكبود اللي على الماء غليله
ملجاء الضعيف وكل من جاه محتاج ياكثر ناس شفتها تشتكي له
حفيد من قاد السريا والافواج بالليله الظلماء بليا دليله
الدار قدامه عصابات وازعاج دارا بها الشيطان يلعب بذيله
شرق وغرب واصطفق مثل الأمواج الزاد ناقص والمشارب قليله
يسري مساري الذيب والليل منباج الدار شاسع والمسافة طويلة
عالج قضاياها وهي مالها اعلاج عبدالعزيز وحقق المستحيله
وحد قبايلها على خير منهاج والسيف يقظع والشريعه دليله
الله يجيره من لضى صلو وهاج في جنه الفردوس الاعلى نزيله
الشاعر / فهد بن مسفر بن قحيفان الخضران الدوسري
