صحيفة الأفلاج الإلكترونية :
[poem=font=”Simplified Arabic,4,black,normal,normal” bkcolor=”” bkimage=”” border=”none,4,gray” type=0 line=200% align=center use=ex length=0 char=”” num=”0,black” filter=””]
ياليل دام الشعر يقضيلي النوب
ودام التجارب درس والعمر خبره
سنة حياة المرء غالب ومغلوب
والفرق من يملك مروّه ودَبْرَه
الكون عندي راح في وسع لمبوب
وكسر المشاعر من نفع فيه جبره
الله ياعمرٍ قضيته ومحسوب
راع الهوى بيح كنينه وصبره
أحيان احس بضيقة الصدر من صوب
واحيان تخفي ضيقة الصدر عبره
والصدر صندوقٍ للاسرار محجوب
ومن جر راس الخيط تاتيه لبره
قولوا لمنهو يلبس البشت مقلوب
فيه اختلافٍ بين صوفه ووبره
يانور عيني حاول الصد بسلوب
ماعاد في قلبي من الحب نبره
أنا دخيلك من مواعيد عرقوب
أحداث وقتك لا تخليك عبره
غنيت لجلك كل سامر ومسحوب
ودفنت لجلك كل حاسد وقبره
ولا عاد تنشدني أنا كيف باتوب
كلٍ يقيس حسب عرفه وشبره
ودام العمر يازين رايح ومحسوب
الله ولا حبٍ تواليه عبره
[/poem]
للشاعر
وقيان بن فهد الدوسري (الأفلاج)
التعليقات 3
3 pings
2010-11-07 في 6:32 ص[3] رابط التعليق
بالسكري انت شاعر ًًًْ يالعرجاني وش عرفك في الشعر والقصيدة نشرت في الجزيرة
2010-11-06 في 8:30 م[3] رابط التعليق
صح لسانك يا ابوفهد
قصيدة جزله
2010-11-06 في 5:48 ص[3] رابط التعليق
صح لسانك ياابو فهد
والله شاعر متمكن مثلك من الشعراء هم اولى بإحياء الامسيات الشعرية اللي بالافلاج
بس عندي ملاحظة لو قلت(ودفنت لجلك كل حاسد وقبرة)لو قلت (ودفنت لجلك كل حاسد بقبرة)كان افضل واتوقع خطأمو منك بس من الصحيفة
على العموم شاعر لاغبار عليه