صحيفة الأفلاج الإلكترونية 

لازال قصيدة “الأفلاج” للشاعر “قديم الشوق” والتي لاتزال تحضى بمتابعه في موقع الجزيرة الإلكتروني منذ عام 1998ميلادي الأمر اللذي أذهل كثير من المتابعين وتقول القصيدة التي مطلعها
جيت الرياض وردني يمك الشوق
يا ديرة الألماس والتبر والعاج

وإليكم رابط القصيدة في موقع الجريدة
http://search.al-jazirah.com.sa/1998jaz/nov/23/P2111.HTM
وإليكم القصيده كاملة

جيت الرياض وردني يمك الشوق
يا ديرة الألماس والتبر والعاج
أفز واصحى وافتح العين وافوق
لامن دعاني داعي صوب الأفلاج
يادار ليلى العامرية لك حقوق
حبك تعلق بالمحاجر والأوداج
قولي وطولي وارفعي هامتك فوق
لا يزعجك يا دارنا هرج هراج
تبختري يا دارنا والبسي الطوق
وتزيني لكل زاير ونهاج
جيت الرياض وخافقي كله حروق
جابتني الدنيا على كف محتاج
لا جابني وجد ولا جابني توق
راحت بي أمواج وجابتني أمواج
ياديرة فيها الحسن صار مخلوق
تستاهلين المجد والعز والتاج
انتي دوى اللي صابه هبال وطفوق
وعلاج لكي صار محتاج لعلاج
للناس غايات وانا غايتي فوق
نوخت غاياتي على أرض الافلاج
فيك الكرم تعقل له الحيل والنوق
وخطاب ودك جاوك أفواج وأفواج
وأرضٍ سماها كلها رعود وبروق
ياجعلها للسيل دربٍ ومنهاج
الموق غالي وانتي أغلى من الموق
وما ظن يلحقني مع حبك احراج
انتي النظر وانتي العمر وانتي الذوق
سحرك طغى من غير زينة ومكياج
كني إذا جيتك مطارد وملحوق
وكني إذا وادعتك مخرج اخراج
بين الديار وبينك فروق وفروق
محدٍ يقول أن القمر كنه سراج
يا سامعي لا صرت ضايق ومزنوق
شد الرحال وهيتنا صوب الأفلاج
تلقى المراجل هزها يمك الشوق
تلقى النشاما وضحكة عيون وحجاج