منصة مواسم الرياض > الأخبار > أخبار المعارض والمؤتمرات > حمد شافي العجالين : يرثي فقيد الوطن في قصيدة جديده
2012-06-21  

حمد شافي العجالين : يرثي فقيد الوطن في قصيدة جديده

+ = -
0 4538
صحيفة الأفلاج الإلكترونية

قدم الشاعر : حمد شافي العجالين قصيدة رثاء في فقيد الوطن صاحب السمو الملكي الأمير نايف بن عبدالعزيز ودعاء الشاعر حمد شافي المولى عز وجل أن يتغمد الفقيد بواسع رحمته وحصلت الصحيفه على المقطع والذي تم تحميلة على موقع صحيفة الأفلاج الإلكترونية على الرابط

سحب الحزن .. هلت دموع المقادير
والجوّ صيف .. ودمعها في يديها !!

من موتة اللي حبه اكبير واصغير !
والكل عزا عينه بدمعتيها ..

يا كبرها سلطان ثم نايف الطير
راحوا وداري فاقـــــــده توأميها ..

احزاننا عمّت وشارك بها الغير
وهذي السعوديه .. بكت مقلتيها !!

يامن زرع بقلوبنا كل تقدير !!
لـ افعاله اللي كل شخصٍ يعيها

خلا المواطن يجتنب اي تأثير !
قومٍ حكت به .. من حقد يكتسيها ..

ناس سعت تبغى خراب البلد / مير
هيهات والنايف وقف يحتميها

والديره بنايف ترى تعتبر غير !!
اهو سهر / يوم الشعب نام فيها

الله عطاها.. نايف الأمن والخير
اللي لحرصه خاف ( منها عليها )

فـ امان من يغفر لنا كل تقصير ..
اللي لاحب اعباده بـ / يبتليها ..

فمان ربك جعل مسكنك يا امير
الجنه اللي كنت/ تدعي تبيها

نايف وطن / فـ قلوبنا والعهد خير
كل الدول من حكمته نعتليها

في ذمتي ما للمصيبه تعابير ..
( دام البشر تفقد وطن محتويها )

..

[SITECODE=”youtube http://www.youtube.com/watch?v=jTmHj0LjSVM&feature=plcp”]http://www.youtube.com/watch?v=jTmHj0LjSVM&feature=plcp[/SITECODE]

حمد شافي العجالين : يرثي فقيد الوطن في قصيدة جديده

أخبار المعارض والمؤتمرات

وصلة دائمة لهذا المحتوى : https://alriyadh900.com/archives/68031

المحتوى السابق المحتوى التالي

للمشاركة والمتابعة

التعليقات 6

6 pings

إنتقل إلى نموذج التعليقات ↓

أضف تعليقاً