قصيدة مهداه الى مقام خادم الحرمين الشريفين الملك سلمان بن عبدالعزيز ال سعود يحفظة الله
انا أحمد الله جات على مانريده
وعم الرخاء في عهد أبوفهد سلمان
مليكنا راعي الفعول المجيده
مليكنا اللي صار للمجد عنوان
أخترت مدحه والمعاني عديده
أسم مسمى به على الطير حوران
سلمان لطام الخشوم العنيده
اليا جاء نهار فيه زوغات الأذهان
حكم بعدل في يمين شديده
ولطف وحلم وجود مع بر وإحسان
مثلت في برك بعزم وعقيده
في وصلك بنايف وفي وصل سلطان
يالله عسى عمرك سنين مديده
ويجيرك الله من صواديف الأزمان
ويحفظك الله يا محمد عضيده
والله يعز اللي يعزون الأوطان
ومحمد السلمان دين وعقيده
وقيادته للنصر عز وبرهان
هذا كلام اللي غلاك بوريده
هذا كلام اللي تمثل بسلمان
وختامها مني على أفضل عبيده
أزكى صلاة وذكر من عالي الشان
الشاعر / صنهات بن عبدالله بن صنهات ال عمار الدوسري
