يطرب وسمو مع هل المجــد والجــــاه
الى حوى المضمون فكر وجـزاله

في مدح من لاجــابت البيض حلــيــــاه
كنه طلـــع فـــوق البسيطه الحــاله

بعد النبي والصحب مـــامثله اشبـــــــاه
ماحـــاد عـــن نهج السلف والعداله

خادم بيـــوت الله علــى الحق ممشـــــاه
من خـــــوف ربه شال لفظ الجلاله

ساعة رجوعه زفت الدار بشــــــــــراه
وعم الفــرح باقصا الجنوب وشماله

حب الملك كـــيــفٍ وشعبــه تقهــــــواه
واعطـــــا الــــولا لله ثــــم الــولاله

لـــــو كان اعـــدد ميزةٍ من مــــــزاياه
الشعــــر مـــوفا خصلة من خصاله

بحر عطا والدار جــــزره ومــــرســاه
رمــز السخى تسبق يمينه شمـــــاله

يـــامـــا مسح دمـــع اليتامـا بيمنـــــاه
بلســــم جــــراح وللتـــواضــع دلاله

مفتــــوح قلـــبــه للمــواطن وشكــــواه
يعطيـــه مطلــوبـــه ويسمــع سؤاله

وسلــــطان نهــــــــر بالعطا ربه اجراه
مــن جــود كــفه كــل حــي دعـــاله

يـــــوم العدو بالحـــــد يزرع خـــلايـاه
والـــحرب تــبرم خــطتــه بــالــوكاله

سير لهــــم جيش الفخـــر يرهب اعداه
ودك الــخنــادق فــي مـخابي اجــباله

جيش على الــــتوحـــيد مـــمشا سراياه
والـــمنــهج الــطـاهـر عــقيدة رجــاله

ونايــــــف مــــنار العز والمجــد يزهاه
رمــــز البـــطولــه والــدهـا والبساله

ارض الحرم تأمن بهيبته وحماه
وقضى على روس الفتن والجهاله

دون الوطن حــدب الســيـــوف المحنــــــاه
يبقى على الطامع عسير مناله

وهــــواية الشاعر وغــــايته ومــــنـــاه
مــــدح الامــــير اللي يضلـل اضــلاله

امير نجد اللي طروقه مخلاه
سلمان كـــــــاس الـــمجد رامه ونـــاله

مثله يحق له الفخر والمباها ه
مـــــــتـــجاذبه بالطيب عــــمـــه وخاله

ويامرحبا ماغـــــرد الطيـــــــر بغنـــــاه
على صفـــــا جــــم قــــراح ازلاله

عد السحـــــاب الـــى نشا ونتثر مـــــاه
واغـــــدق على وجه البسيطه اخياله

بقدوم من يلقــــى السـعــد في محيـــــاه
يــــالله عســــى بــاب التـــوافيق فاله

بندر ولــــد سلمان وسعــــود مجنــــاه
مـن عادته تسبق فـــعــــــــوله مقاله

ترثة فخـــر والغصـــن يثمر مـن اعلاه
ســـــلالة الامجـــــاد واكـــرم اسلاله

أعـــطا الملك جهده وانــابه ووصـــــاه
ومجمـع الاسكان طاب احتفاله

عسى الملك يلقى السعد عند مولاه
بـــجـــاه رب ماتـــعــــدد افـــضالـــــه

كم من فقير من كرم جوده اغناه
اغدق كرم جــــوده وجــهده ومـــــاله

يـــالله ياسامع دعــــا مــــن تــــرجـــــاه
تحفــــظ لنا دار الفخــــر والــــرســـــاله

قــــد افلـــح اللي طاع ربه ونــــاجـــــاه
وصلـــــى علــى محمد وصحبه وآله