قصيدة الشاعر رشيد الركبان
اليا يقــول الـشــاعـر الـلـــي بـــدبــــــه *** قصيدة فيــها مــعــانـــي وأعــجــاب
مكتوبه بـخـــط الـــكـــوفــي كـتــابــــــه *** ومجــود القــاف بعمـدان وطـــنـــاب
الــلــي يـــجـــيـنـــا زيـــارة مـرحـبابــــه *** يامرحبابه اعدادا ما خط في كــتاب
وعداد بـراق شـــرق فـي ســـحـــــابــه *** من ضامري بقولها لـكـل الاحبـــاب
اللي يبون الوصل بـيــن الـقــــــرابـــــه *** سلـم عليـهـم كلهم شايب وشاب
وراعي الوصل في المعركه يـنــغــزابــه *** تلقاه فيام الشـــدايــــد مــــاغــاب
يبـشـر بـاجـر عــــنــد ربـي ثــــو ابــــه *** اجر كبـيـر مـا عر فنا له حـســاب
والناس تدعي له حـــتـى بـغـــيـــابــــه *** يومه يريـد الـوصـل مابين الاقـــراب
ولامــن بــغـيــت الفـزعـتـه يـنـتـخـابـــه *** يفزع معك لو كـان تـروح الارقـــــاب
وارجــل تــدريبـــه مــــن اول جـــوابـــــه *** مايبي كثر الهرج في وصفه اعجـاب
امــا الـردي لـعـاد تحــســب حـسـابــه *** لـــو كـــان وده يــجــي جــيــد خـاب
وامــا الـقــــطـــوع الـلـــي كـــل درابــه *** مــافـيـه خـيــر ومــع ذالــك كــذاب
مايبي جــمـع الــشمل بيـن الـقـرابــه *** يـبـي جـمـيـع الـعـائـله تصير احـزاب
وقامــت علــيــه المــرخمــه والخـيـابـه *** وصكت عليه البيت نوافـذ مع ابـواب
واصــبــح يـــفــكر يـحــط عنده رقــابــه *** مــن الــوسـاوس زادتـه هـم ورهاب
وبــعــض الـعـرب هـمـه زيـنـت ثيابـــــه *** وهـو الـحـقـيـقـه مـايساوي ولاغراب
يلعبه الشيطـان طـول وقـتــه غـدابـــه *** في دروب المعاصي مفتح له ابـوا ب
مــاوده انـا نجـيـــه ولانــطــق بــابــــه *** يـومـه ردي مـن الـرجـاجـيـل هــراب
امـا نـسمـــع عـنـك هــــرج وشـا بـــه *** ويـزيـد الـحكي مليون كذبه لها جاب
وبعض العرب فيه الحسد من شبابــه *** مـغـروس فـي قـلـبـه بـيـمـوت ماتـاب
يصيد الهدف مخطـاه بــيــن صــوابـــه *** والـعــيــن حـق وكـل شي لـه اسباب
هــــذاكــلامـي تـفـهـمــه الـذيــــابـــه *** شـعـرا قــوي في مـعـانــيــه وصـعـاب
اقــول شــعــري ولحنـــه في ربـابـــــه *** لجل يعـرفـه اهـل الـمـديـنه والاعـراب
مع تحيات الشاعر رشيد الركبان ونتمنا ان تعجبكم هاذه القصيد
