صحيفة الأفلاج الإلكترونية 

نضم الشاعر تركي المسيعد قصيدة أشاد فيها بكرم أهالي الهدار ومالقي منهم من الطيب وأعلوم الرجال

((تحية كل هدّاري))
1- سلام الله على من هو لفى الهدار
سلام محملٍ بالشوق والكادي
2- سلامٍ يتبعه لاهل الوفى والدار
يصافحك الكرم لقبلت .. وينادي
3- هلا مليون حييتم عداد امطار
هلا بالضيف لامنّه نوى بلادي
4- تحية كل هداري لمن هو زار
ديارٍ عزّها خلاقنا الهادي
5- ديارٍ صيتها عالي على القطار
تشوف المجد في هدارنا شادي
6- شيوخٍ من سلايل عزّ لب احرار
يطيب لمسمعك تاريخ الاجدادي
7- مجالسهم تقول البن له آبار
تفوح دلالهم ياطيب قنادي
8- رجالٍ صدقها في سرها وجهار
مجنبة الوجيه إلي تبي تعادي
9- صغير القوم لاشفته يعزّ الجار
ولامنّه حكى ماهوب نقادي
10- تعرف انه تربى في كنف ابرار
مجالس ماتمل وكلها زادي
11- انا شعري خبرته وافيٍ لي بار
عجز شعري ولا تكفي لغة ضادي
12- يارب انك تجملني بفعلٍ سار
يسر الي تحدر غيثها بوادي
13- سلام الله عليكم ياهل الهدار
قصيدة وافيٍ وانتم عليّ بادي

بقلم تركي بن عبدالله آل مسيعد 25/10/1433هـ

هذه القصيده للشاعر عامر بن عبدالرحمن قينان النتيفات قالها باسم اهالي الهدار عامه رد علي قصيده الشاعر تركي عبدالله ال مسيعد في اهالي الهدار
1/ هلا حييت ورحب عد منهو زار@@
رسول الله محمد خير الإشها دي
2/ وعدد من حج بيت الواحد الغفا ر@@
هلا بك في بلدنا يابن الأ جوادي
3/ بلاد لا لفا ها الضيف مايحتار@@
لفا البن الحمر والحيل وقنادي
4/ وهذي من عوايدنا ونهج سار@@
به الأجداد والإباء والأحفادي
5/ بلدنا صيتها علم برأسه نار @@
كرمها ظاهر والقول بسنادي
6/ وانا باسم البلد وهله بدعت اشعار@@
بيوت ما لحقها نقد نقادي
7/ من هجوس يسد النوب مايحتار@@
الي جا اللازم الغضاب ما حادي
8/ تنو مس كل هدلري كبار صغار@@
ولافيهم قصور ومن حضر جادي
9/ بيوت منتقاه تلفت الانظار@@
لمنهو خصهم ببيوت أجدادي
10/ بيوت وافيه من شاعر بيطار @@
وعده راهي للجزل معتادي
11/ ياتركي ما عليكم زود ومن اخيار@@
وشعرك وصلنا والكل به شادي
12/ لك التقدير ولك الشكر لك مقدار@@
علي شعورك وشعر يجلب سعا د ي
13/ وهذي عاده الوافين في الاقطار@@
مثل شرواك ولا اللاش جحادي
14/ وقبل الختم بقدم لك المعذار@@
ويوجز لوبيوت الشعر تزدادي
15/ وعلي الهادي بصلي عد طير طار@@
وعدد ما لاح برق ودن رعادي

للشاعر :عامر بن عبدالرحمن النتيفات الهدار 1434/1/19ه